വിരഹത്തിന്റെ തൂവലുകൾ

എന്റെ ജീവിതത്തിലെ സന്തോഷവും സ്വപനങ്ങളും തിരിച്ചു വാങ്ങി അവിടെ നഷ്ട്ങളുടേയും വിരഹത്തിന്റേയും കണക്കുകൾ എഴുതി ചേർത്ത് നീ തിരികെ നടന്നപ്പോൾ എന്തായിരുന്നു എന്റെ മനസിലെ വികാരം. അറിയില്ല. ആ ശൂന്യത നികത്തുവാൻ വേണ്ടിയായിരുന്നു ഞാൻ മുന്പത്തെക്കൾ തീവ്രമായി എന്റെ ലോകത്തിൽ മുഴുകിയത്. നീ എന്നേ ഉപേക്ഷിച്ചപ്പോൾ അതിനെക്കാൾ തീവ്രമായി എനിക്ക് നിന്നിൽ നിന്നും അകലുവാനാവും എന്ന് ഞാൻ വിശ്വസിച്ചു. അല്ലെങ്കിൽ ആഗ്രഹിച്ചു. കാരണം പ്രണയം അത് സത്യമുള്ളതാണെന്നും അത് ഒരിക്കലും ന്ഷ്ടപെടില്ല എന്നും ഞാൻ വിശ്വസിച്ചു. എപ്പോളും വിശ്വസിക്കുന്നു. മറ്റുള്ളവരുടേ ലോകത്തിനു മുൻപിൽ ഞാൻ ധരിക്കുന്ന പൊയ്മുഖം എല്ലാം നേടിയ ഒരു വിജയിയുടെ മുഖമണിഞ്ഞു നില്ക്കുവാൻ സഹീയിച്ചു.. . ഇന്ന് ഞാൻ മറ്റുള്ളവർക്ക് മുൻപിൽ ഒരു വിജയിയായി ഒരിക്കലും ഒഴിവാക്കാനാവാത്ത ചിരിയും ഒട്ടിച്ചു ചേര്ത്ത് നിൽക്കേണ്ടി വരുന്നു.

എന്റെ നഷ്ട സ്വപ്നന്ങളുടെ താഴവരയിൽ മനസ് തകർന്ന് ആ തകർച്ചയുടെ വേദനയിൽ മുഴുകി സഞ്ചരിക്കുവാൻ പോലും ഇന്നെനിക്ക് അനുവാദമില്ലല്ലോ.വർഷങ്ങ്ങൾക്ക് മുന്പ് നീ എന്നിൽ നിന്നകന്നപ്പോൾ ഒന്ന് മനസ് തുറന്ന് വേദനിക്കുവാൻ പോലും അനുവാദമില്ലാത്ത തടവരയിലേക്കാണ്‍ ഈ യാത്രയെന്ന് അറിയില്ലായിരുന്നു. നിന്റെ ആത്മാവിനെ നഷ്ടപെടുത്തിയിട്ട് ഈ പ്രപഞ്ചം മുഴുവൻ നേടിയിട്ട് എന്ത് പ്രയോജനം എന്ന വചനം എന്റെ ജീവിതത്തിലാകമാനം മുഴങ്ങ്ങുന്നു.

ഇനിയെനിക്കൊരു തിരിച്ചു പോക്കുണ്ടാവില്ല എന്നെനിക്കറിയാം. ഈ നേടിയതെല്ലാം ഒരു പുല്കൊടി പറിച്ചു മാറ്റുന്ന ലഘവത്തോടെ എനിക്കുപേക്ഷിക്കനവും. എങ്കി
ലും പകരം എന്റെ നഷ്ടപെട്ട ആത്മാവ് തിരികെ ലഭിക്കില്ലല്ലോ. അതിനാൽ ഈ പൊയ്മുഖം വീണ്ടും അണിഞ്ഞുകൊണ്ട് ഞാൻ വീണ്ടും ഈ നാടകം ആടി തീർക്കട്ടെ. കുറഞ്ഞ പക്ഷം എന്റെ മനസിനേയെങ്കിലും കബളിപ്പിക്കുവാൻ നിന്റെ സേഹം എനിക്കാവശ്യമാണ്‍..